ଆଉନାହିଁରେ ମନ ଅନ୍ୟ ଭରଷା ,
ବ୍ରହ୍ମ ପାଦ ତଳେ ଲଗାଅ ଆଶା ।
ସଂପାଦକଙ୍କ କଲମରୁ .......................................
ପ୍ରିୟ ଆତ୍ମନ ,
ଇଂରାଜୀ ନବ ବର୍ଷର ହାର୍ଦ୍ଦିକ ଅଭିନନ୍ଦନ, ପରମ ପିତା ପରମେଶ୍ୱରଙ୍କ ଠାରେ ପ୍ରାର୍ଥନା , ଆପଣଙ୍କ ଜୀବନର ପ୍ରତିଟି ସକାଳ ହେଉ ସୁବାସମୟ , ପ୍ରତିଟି ଦିନ ହେଉ କର୍ମ ମୁଖର , ପ୍ରତିଟି ସନ୍ଧ୍ୟା ହେଉ ଓଁ କାର ମୟ ଓ ଭକ୍ତି ମୟ ଓ ପ୍ରତଟିି ରାତି ଶାନ୍ତି ପୂର୍ଣ୍ଣ ହେଉ ।
ଆଜିର ଦିନରେ, ଯାହାଙ୍କ ପାଇଁ “ କୁଶ ବନ”ର ସୃଷ୍ଟି , ସେ ମହାମାନବ ,ପ୍ରାତଃ ସ୍ମରଣୀୟ , ମହାନ ସନ୍ଥ, ଯୋଗଜନ୍ମା ଓ ଦଳିତ ସମାଜର ସଂସ୍କାରକ ଗୋସ୍ବାମୀ ବାହୁଡା ଦାସଙ୍କ ମହାପ୍ରୟାଣ ଘଟିଛି ସତ, କିନ୍ତୁ ତାଙ୍କର ରହସ୍ୟମୟ ଲୀଳା ଅଧୁନା ସମାଧୀ ପୀଠ ଓ ବାହୁଡା ପ୍ରେମୀ ଭକ୍ତମାନଙ୍କ ହୃଦୟର କୋଣ ଅନୁକୋଣରେ ଦ୍ରବିତ ହେଉଅଛି । ବାସ୍ତବରେ ଦଳିତ ଭୋଇ ସମାଜକୁ ସ୍ବାମିଜୀ ବାହୁଡା ଦାସଙ୍କର ଦାନ ଥିଲା ଅତୁଳନୀୟ । ସର୍ବୋପରି ବିଗତ ଦିନର ଭୋଇ ସମାଜକୁ ସୁ ସଂଗଠିତ ଓ ଏକତ୍ରିତ କରିବା, ତାଙ୍କର ପ୍ରମୁଖ ଭୁମିକା ଥିଲା । ଜଣେ ମହାନ ସନ୍ଥ ତଥା ସଂସ୍କାରକ ଭାବରେ ଆଧିପତ୍ୟ ବିସ୍ତାର କରୁଥିବା ବ୍ରାହ୍ମଣ ସମାଜକୁ ଭୃକ୍ଷେପ ନକରି ନିଶା ନିବାରଣ, କୁ ସଂସ୍କାର ଦୂରୀକରଣ, ଜାତି ପ୍ରଥା ଏବଂ ଶିକ୍ଷା ପ୍ରଭୃତିରେ ଯେଉଁ ନିଦର୍ଶନ ଦେଖାଇଛନ୍ତି , ଅଧୁନା ସମୟରେ ୟେ ସମାଜ ତାଙ୍କ ପାଦ ପଦ୍ମରେ କୃତଜ୍ଞତା ଜ୍ଞାପନ କରୁଅଛି ।
ଅଧୁନା ସମାଜ ବିଂଶ ଶତାଦ୍ଦୀରେ ପାଦ ଦେଲେ ମଧ୍ୟ ଦଳିତ ଏବଂ ସାଧାରଣ ବର୍ଗ ମଧ୍ୟରେ ଏକ ପ୍ରାଚୀର ରହିଛି । ଆଜି ସ୍ବାମିଜୀ ବାହୁଡା ଦାସ ଆମ ପାଇଁ ଅପ୍ରକଟ । ଆମ୍ଭେ ତାଙ୍କର ଦାୟାଦ ଭାବରେ , ଆମର ଯତ୍ କିଂଚିତ କର୍ତବ୍ୟ ସମାପନ କରୁଛୁ । ବର୍ତମାନ ପ୍ରରିପ୍ରେକ୍ଷୀରେ ଦେଶ ସ୍ବାଧୀନ ହୋଇଛି ସତ , କିନ୍ତୁ ଏକ ଦଳିତର ମେରୁଦଣ୍ଡ କେତେ ସୁ ଦୃଢ, ତାହା ଅବିଶ୍ୱସନୀୟ ! କେବଳ ଅନୁଭବ କରିହୁଏ । ଆମ୍ଭେ ସ୍ବାଧୀନତା ପାଇଲେ ମଧ୍ୟ ଅର୍ଥ ନୈତିକ ତଥା ସାମାଜିକ ସ୍ବାଧୀନତା କ୍ଷେତ୍ରରେ ପଛୁଆ ହୋଇ ରହିଛୁ । ଗଣତନ୍ତ୍ର କ୍ଷେତ୍ରରେ ଆମର ସଂଖ୍ୟା ଅଧିକ ହେଲେ ମଧ୍ୟ ତାହା ଭୋଟ୍ ବାକସର ବନ୍ଦ କୋଠରୀରେ ଆମର ଜୀବନ ଧାରାର ସ୍ରୋତ ମରୁଭୂମି ହୋଇଯାଇଛି । ସେଥିପାଇଁ ମାନସିକ ହୀନମନ୍ୟତା ଦାୟୀ କହିଲେ ଠିକ୍ ହେବ । କାରଣ ଅର୍ଥ ନୈତିକ କିମ୍ବା ସାମାଜିକ ସ୍ତରରେ ଆମ୍ଭେ ସୁ ନାଗରିକ ହେବା ପାଇଁ କୁଣ୍ଠାବୋଧ କରୁ । ତେବେ ଦଳିତ ହେଲେ ମଧ୍ୟ ଜୀବନରେ ପ୍ରତ୍ୟେକ ମଣିଷ ପରି ସମ୍ମାନ ଓ ସ୍ବାଭିମାନ ସହ ବଂଚିବା ପାଇଁ ଆବଶ୍ୟକତା ଅଛି । କାରଣ ଯେଉଁ ମଣିଷର ଆତ୍ମ ସମ୍ମାନ ନାହିଁ , ସେ ମୁର୍ଦ୍ଦାର ସହ ସମାନ । ଅଧିକାର ପାଇଁ ଲଢେଇ ଅପରାଧ ନୁହେଁ ;ଏହା ପ୍ରତି ମଣିଷର କର୍ତବ୍ୟ । ଶେଷରେ ମହାନ୍ ସନ୍ଥ ବାହୁଡାଙ୍କ ପାଦପଦ୍ମରେ ପ୍ରାର୍ଥନା, ଆପଣଙ୍କ ସପରିବାର ଚଲାପଥ କୁସୁମିତ ହେଉ ।
ସଂପାଦକ
No comments:
Post a Comment