ନରେନ୍ଦ୍ର କୁମାର ଭୋଇ
ଧନ୍ୟ କୁଶକଂଟା ପବିତ୍ର ଭୁଇଁ ,
ବଳେ ବଳେ ମଥା ପଡଇ ନଇଁ ।
ଥିଲା କୁଶ ଆଊ ବହଳ କଂଟା ,
ତେଣୁ ହୋଇଗଲା ସେ କୁଶକଂଟା ।
ପାଖା ପାଖି ଥିଲା ଦୁଇଟି ବଟ ,
ଧ୍ୟାନ କରୁଥିଲେ ବାବାଜୀ ଏକ ।
ଶୂନ୍ୟ ବାଣୀ ହେଲା ଶୁଣ ବାହୁଡି ,
ଜ୍ଞାନ ପାଇବାକୁ ନ ଗଣ ଗୋଡି ।
ଯାହା ତୁ କହିବୁ ହୋଇବ ସତ୍ୟ ,
ମୁଁ ହେଉ ଅଛି ଜଗତ ତାତ ।
ରୋଗୀ ଭଲ ହେବେ ହୁକୁମ ନେଇ ,
ଅନ୍ତର୍ଧ୍ୟାନ ହେଲେ ଏ କଥା କହି ।
ସେ ଦିନୁ ହୁକୁମ ଦେଲେ ବାହୁଡି ,
ରୋଗୀ ଭଲ ହେଲେ ରୋଗକୁ ଛାଡି ।
ପରୀକ୍ଷା କରିବା ପାଇଁ ଅନେକ ,
ହୋଇଅଛି ରୋଗ ଟିକିଏ ଦେଖ ।
ହାତରେ ଗୋଡରେ କନା ଗୁଡାଇ
ଘା ହୋଇଅଛି କହିଲେ ଯାଇ ।
ଭଲ ହୋଇଯିବୁ ବାବା କହିଲେ ,
କନା ଖୋଲ ଯାଇ ଦେଖିବୁ ଭଲେ ।
ମିଛ କଥା ସବୁ ସତ ହୋଇଲା
ଶରଣ ପଶିଣ କ୍ଷମା ମାଗିଲା ।
ହୁକୁମ ମହିମା ଅଛି ଅନେକ ,
ଲେଖୁଥିଲେ ଯିବ ଜୀବନ ଯାକ ।
ଶରଣ ପଶୁଛି ରଖ ବାହୁଡା ,
ପଦରେ ଲେଖିଲା ନରି ବାପୁଡା ।
ସା-ଉରୁଜଙ୍ଗ ,ବ୍ରାହ୍ମଣସାଇଲୋ,କଟକ-୧୮
No comments:
Post a Comment