ଗିରିଶ ନାୟକ
ନବବର୍ଷର ହାର୍ଦ୍ଦିକ ଅଭିନନ୍ଦନ ଓ ଶୁଭ କାମନା କରୁଛି । ୟେ ବର୍ଷ ଆମ୍ଭ ମାନଙ୍କ ପାଇଁ ସଫଳତା ଓ ଆଲୋକର ବର୍ଷ ହେଉ । ସମୟ ଗଡି ଗଡି ଚାଲୁଛି ଆଗକୁ । ସକାଳର କଅଁଳ କିରଣ , ଦିନର ଟାଣ ହୋଇ ସଂନ୍ଧ୍ୟାରେ ଶୀତଳ ହୋଇ ଯାଏ । ତେବେ ପରିବର୍ତନ ଦୁନିଆରେ କିଛି ନା କିଛି ଅହରହ ପରିବର୍ତନ ହୋଇ ଚାଲିଛି । ଚାଲିଥିବ । ସାହିତ୍ୟ ହେଉଛି ସମାଜର ଦର୍ପଣ । ଯେଉଁ ସମାଜ ସାହିତ୍ୟରେ ଯେତେ ସମୃଧ ,ତାଙ୍କର ସାମାଜିକ ସ୍ଥିତି ସେତେ ସୁଦୃଢ ହୋଇ ଥାଏ । ସାହିତ୍ୟ ହିଁ ସମାଜରେ ଆଣେ ନୂତନ ଧାରା , ନୂତନ କ୍ରାନ୍ତି । ଜନ ସମାଜରେ ସୃଷ୍ଟି କରେ ଚିନ୍ତା ଆଉ ଚେତନା । ଯେଉଁଠି ଚିନ୍ତା ଚେତନା ନାହିଁ, ତାହା ଏକ ଜଡ ଆଉ ନିର୍ବୋଧ ଅଟେ । ସାହିତ୍ୟ ହିଁ ସୃଷ୍ଟି କରେ ନୂତନ ସମ୍ଭାବନା, ନୂତନ ଦିଗନ୍ତ ,ନୂତନ ସୃଷ୍ଟି ,ନୂତନ ଜାଗରଣ ।
ସମୟର ସୁଅରେ ଭାସି ଭାସି ଆସି ମୁଁ ଆଜି କୁଶକଂଟାରେ । ପିଲାଦିନର କାହାଣୀ ଆଜି ନାହିଁ । ଅଛି କେବଳ ହାଟ , ବଟ,ମଠ ,ଅଛି ସେହି ପରମମୟ ମହାନ୍ ସନ୍ଥ ଗୋସ୍ବାମୀ ବାହୁଡା ଦାସଙ୍କର ଅଲୌକିକ ଶକ୍ତିର ଚମକ୍ । ତାଙ୍କର କାଳଜୟୀ କବିତା ,ଭଜନ ଓ ଜଣାଣ ପ୍ରଭୃତି ଜନମାନସରେ ଉଜ୍ଜିବୀତ ହୋଇ ରହିଥିବ । ତାଙ୍କର ଅଲୌକିକ କାର୍ଯ୍ୟ ଓ ସାମାଜିକ ସଂସ୍କାର , ବୌଧିକ ଚିନ୍ତାଧାରା ଦଳିତ ମହା ଭୋଇ କୁଳର ସମ୍ମାନ ଏବଂ ଏକତା ସୂତ୍ରରେ ବାନ୍ଧି ରଖିବାର କୌଶଳ ଓ ପ୍ରଣାଳୀ ତାହା ସମାଜରେ ବଳବତ୍ତର ରହିଛି । ତାଙ୍କ ଦ୍ୱାରା ପ୍ରଚଳିତ ଜାତି, ନୀତିକୁ ଅନୁସରଣ ମାନି ଚାଲିଛି । ତାଙ୍କର ନୀତି ଆଦର୍ଶକୁ ସମ୍ମାନ ସହ ଗ୍ରହଣ କରି ନେଇଛି । ମୁଁ ଅନେକ ଥର ଚିନ୍ତା କରିଛି ଯଦି ମହା ଭୋଇ କୂଳରେ ଏହି ମହାପୁରୁଷ ଆର୍ବିଭାବ ହୋଇ ନ ଥାନ୍ତେ ,ତାହା ଆଜି ମହା ଭୋଇ କୂଳର ଅବସ୍ଥା କିପରି ହୋଇ ଥାନ୍ତା ??? ୟେ କଥା ନିଶ୍ଚିତ ଯେ , ଆମର ସାମାଜିଜ ସ୍ଥିତିରେ ନିଶ୍ଚିତ ଭାବରେ ଭିନ୍ନତା ହୋଇଥାନ୍ତା ।
 |
| ଭକତିର ପ୍ଲାବନରେ ଦ୍ରବିତ ଉନ୍ମତ ଭକ୍ତ |
୨୦ ଅପ୍ରେଲ ୨୦୧୩ ରିଖରେ ମୋତେ କୁଶକଂଟା କମିଟିର ଅ୍ମକ୍ଷ ଭାବରେ ନିର୍ବାଚିତ କରାଗଲା , ବାସ୍ତବରେ ମୁଁ ଆଶ୍ଚର୍ଯ୍ୟ ଚକିତ ହୋଇଯାଇଥିଲି । ଏହି ଆଶା ବହୁ ଦୁରରେ ଥିଲା । ସେହି ଦିନ ଠାରୁ କୁଶକଂଟାର ବିକାଶ ପାଇଁ ବହୁ ଚିନ୍ତା ଆଲୋଚନା ପାଇଁ କୁଶ କଂଟା ଠାରେ ୟେ ଜାତିର ଜାତୀୟ ମୁଖପତ୍ର ପାଇଁ ପ୍ରଚେଷ୍ଟାରେ ରହିଲି । ଶେଷରେ କୁଶବନ ନାମରେ ୟେ ପତ୍ରିକା ପ୍ରକାଶ ହେବା ପାଇଁ ଯାଉଛି । ଅନେକ ଲୋକ ଏହାକୁ ଇର୍ଷ୍ୟା କରିବେ , ନାକ ଟେକିବେ, ଆଙ୍ଗୁଳୀ ଦେଖାଇବେ ଓ ସମାଲୋଚନା କରିବେ । ଆଗରୁ ଅନେକ ସାହିତ୍ୟ ଜନ୍ମ ନେଇଛି, ମୃତୁ୍ୟ ବି ହୋଇଛି । ସମୟ କହିବ ହିଁ ଏହାର ଶେଷ । ଏହା ପୁର୍ବରୁ ତିନିଗୋଟି କ୍ଷୁଦ୍ର ପୁସ୍ତକ ଭିନ୍ନ ଭିନ୍ନ ନାମରେ ଶ୍ରୀ ମୁରଲୀଧର ଭୋଇଙ୍କ ଆପ୍ରାଣ ଉଦ୍ୟମ କ୍ରମେ ପ୍ରକାଶ ହୋଇଛି । ମାତ୍ର ତାହା ଯଥେଷ୍ଟ ଭାବରେ ଜନ ମାନସ ଛୁଇଁ ପାରି ନାହିଁ । ତେବେ ତାଙ୍କର ଏହି ଉଦ୍ୟମ ତଥା ଏକନିଷ୍ଠ ସାଧନା ,ଯେଉଁ ସାହିତ୍ୟର ମୂଳଦୂଆ ପଡିଛି । ତାହା ସଦା ସର୍ବଦା ଆମ ପାଇଁ ପ୍ରେରଣାର ଉତ୍ସ ହୋଇ ରହିବ । ମୁୂଁ ଆଶା କରେ, କୁଶ ବନ ପତ୍ରିକା ଦ୍ୱାରା ତାଙ୍କର ଆତ୍ମା ପରିତୃପ୍ତି ଲାଭ କରିବ ।
କୁଶବନ ଏକ ପ୍ରଗତିଶୀଳ ପତ୍ରିକା . ଏହା ସମାଜରେ ଥିବା କୁସଂସ୍କାର,ଅର୍ଥନୈତିକ ସମସ୍ୟା ,ଶିକ୍ଷା ଓ ଚେତନା ପାଇଁ ଏହାର ଏକ ବୈପ୍ଳବିକ ଆନ୍ଦୋଳନର ଏକ ଅଭିନବ ପ୍ରୟାସ । ଆମ୍ଭ ଦଳିତ ସମାଜର ଜନ୍ମିତ ମହାପୁରୁଷଙ୍କ ଜୀବନ ଆଦର୍ଶ ନେଇ ନୂତନ ଶୈଳୀରେ ଜନ୍ମ । ଆଶାକରେ ପାଠକ/ପାଠିକାଗଣ , ଆପଣ ମାନଙ୍କର ସୁଚିନ୍ତିତ ମତାମତ ,ଆମ୍ଭମାନଙ୍କୁ ଆଗକୁ ନେବା ପାଇଁ ସହାୟ ହେବ ।
ଅଧ୍ୟକ୍ଷ , ଓଡିଶା ମହାଭୋଇ କୁଳ ଜାତୀୟ ଧର୍ମାନୁଷ୍ଠାନ,କୁଶକଂଟା
No comments:
Post a Comment