ଦିବାକର ରାଉତ,
ପୂର୍ବତନ ସାଧାରଣ ସଂପାଦକ
ଓଁ ଗୋସ୍ବାମୀ ବାହୁଡା ଦାସ ନମୋଃ ନମଃ ,୧୯୮୨-୮୮ରେ କର୍ମକର୍ତା ୰ଶ୍ରୀ ବଙ୍କିମ ଦାସ କଟକ ବିଡାନାସୀ ସଭାପତି, ୰ ମୁରଲୀଧର ଭୋଇ, ସା.ସଂପାଦକ ୪୨ ମୈାଜା ଦେଉଳି, ଶ୍ରୀ କୈଳାଶ ଚନ୍ଦ୍ର ଭୋଇ ଉପସଭାପତି ଉଲ୍ଲାର ,ଶ୍ରୀ କ୍ଷୀରୋଦ ଚନ୍ଦ୍ର ଦାସ ଜଏଂଟ୍ସେକ୍ରେଟାରୀ ଭଦିମୂଳ, କଟକ ଓ ଶ୍ରୀ ସୁରେନ୍ଦ୍ର ନାଥ ଭୋଇ କୋଷାଧ୍ୟକ୍ଷ ବ୍ରାହ୍ମଣସାଇଲୋ , ପ୍ରମୁଖଙ୍କୁ ନେଇ ଅନେକ ସଭ୍ୟଥିଲେ । ସେ ସମୟରେ ମୁଁ ସଭ୍ୟଭାବେ (ଉପଦେଷ୍ଟା)କାର୍ଯ୍ୟ କରିଥିଲି । ପ୍ରଥମରେ ଏହି ଅନୁଷ୍ଠାନକୁ ସୋସାଇଟି ଆକ୍ଟ ଅନୁସାରେ ରେଜେଷ୍ଟ୍ରୀ କରିବା ପାଇଁ ପଠାଯାଇଥିଲା । । ଯାହା କି ଆମକୁ ସେ ରେଜେଷ୍ଟ୍ରୀ ସଂପର୍କରେ ୰ମୁରଲୀଧର ଭୋଇ ଜଣାଇଲେ ନାହିଁକି ଅନ୍ୟ ସଭ୍ୟମାନେ ଜାଣିପାରିଲେ ନାହିଁ । ସେ ତାଙ୍କ ନିକଟରେ ସମସ୍ତ କାଗଜପତ୍ର ରଖିଲେ । ୧୯୮୨-୮୫ ପର୍ଯ୍ୟନ୍ତ ଏକ ସଂଘର୍ଷପୂର୍ଣ୍ଣ ସମୟ ଥିଲା କାରଣ ଏ କମିଟି ଗଠନ ପୂର୍ବରୁ ସର୍ବର୍ଣ୍ଣମାନେ କର୍ମକର୍ତା ରହିଥିଲେ । ସେମାନଙ୍କ ପ୍ରତ୍ୟକ୍ଷ ବା ପରୋକ୍ଷଭାବେ କେବଳ ମଠର ସର୍ବମୟ ଅଧିକାରୀ ଫୌଜଦାରଙ୍କୁ ଛାଡି ସମସ୍ତ ମହନ୍ତମାନଙ୍କ ସହ ସ୍ଥାନୀୟ୧୨ଭାଇମାନେ ଓ ବରିଷ୍ଠ ସଭ୍ୟମାନେ ଅସହଯୋଗ କରିଥିଲେ । ଏହାର ସମାଧାନ ପାଇଁ ୨ ଗୋଟି ସାଧାରଣ ବୈଠକ ୪୨ମୈାଜା ବ୍ରହ୍ମପୁର ଉଚ୍ଚ ବିଦ୍ୟାଳୟରେ ୰ କୁମର ଭୋଇ ହଳଦୀଆପଡାଙ୍କ ସଭାପତିତ୍ୱରେ ଅନ୍ୟଟି ବିରିବାଟୀ କମିଟି ଗୃହରେ ବରି ମହନ୍ତ ୰ଶ୍ରୀ ସୁରେନ୍ଦ୍ରନାଥ ଦାସ ,ବାଖରାବାଦଙ୍କ ପୈାରହିତ୍ୟରେ ଅନୁଷ୍ଠିତ ହୋଇ ୮୪-୮୫ ମସିହାରେ ସମାଧାନ ହୋଇ ସମସ୍ତେ ପୂର୍ଣ୍ଣସହଯୋଗ କରିବେ ବୋଲି ୮୫ ମସିହାରେ ବାରଭାଇ ମୁଖ୍ୟ ୰ ଫକିର ଚରଣ ଦାସ କହିଲେ ଏହା ପୂର୍ବରୁ ମଠର ଜମି ସମ୍ପର୍କରେ ଜାଣିବାକୁ ଚାହିଁବାରୁ ସେମାନେ ଅର୍ଥ ୰ ମୁରଲୀ ଭୋଇ କହିଲେ ମଠର ଅନେକ ସମ୍ପତି ଥିଲା, କିନ୍ତୁ ସ୍ଥାନୀୟ ରକ୍ଷଣଶୀଳ ବ୍ୟକ୍ତିଙ୍କ ଦ୍ୱାରା ଯେଉଁମାନେ ମଠର କର୍ମକର୍ତା (କମିଟି ନୁହେଁ) ସନ୍ଥ, ଫୌଜଦାର ମହନ୍ତମାନଙ୍କୁ କୈାଶଳରେ ହାତ କରି ସମସ୍ତ ଜମିକୁ ହଡପ କରିଛନ୍ତି । ବର୍ତମାନ ମାତ୍ର ମଠର ବାହୁଡା ବିଜେସ୍ଥଳୀ ନାମରେ ମୋଟ ୨ ଗୋଟି ପ୍ଲଟ ଏ.୦-୧୭ଡିସିମିଲି ଅଛି । ସେତେବେଳେ ସମସ୍ତ ଜମିର ମୋଟ ୨୭ଏକରରୁ ଅଧିକ ହେବ ରେକର୍ଡ ଅଛି ବୋଲି ଆମେ ବିଶ୍ୱାସ କରି ସେତେବେଳର ଜିଲ୍ଲାପାଳ,ରାଜସ୍ବ ଅଧିକାରୀ,ଓଡିଶା,ଏମ୍.ଏଲ୍.ଏ.ମନ୍ତ୍ରୀଙ୍କ ସମେତ ବାଚସ୍ପତିଙ୍କୁ ଜଣାଇଲୁ ଶେଷରେ ବଙ୍ଗ, ବିହାର ଓ ଓଡିଶାର ରେକର୍ଡଗାର ଖୋଜା ଯାଇଛି ।
ଏହାର ଆଇନ୍ ଗତ ଅନୁଯାୟୀ କିଛି କରିହେବ ନାହିଁ ବୋଲି ଜାଣିଲୁ । ଏ ସବୁର ଜମିର ମୁଖ୍ୟ ବର୍ତମାନ ଶତପଥୀ ବଂଶଧର (୰ବିଶ୍ୱାଧର ଶତପଥୀ)ଙ୍କ ଉତରାଧୀକାରୀଙ୍କ ନାମରେ ରେକର୍ଡ ହୋଇଯାଇଛି । ୰ମୁରଲୀ ବାବୁ କହିଲେ ତାଙ୍କ ପାଖରେ ସମସ୍ତ ରେକର୍ଡ ଅଛି ଆବଶ୍ୟକସ୍ଥଳେ ସେ ସମସ୍ତ ରେକର୍ଡ ଦର୍ଶାଇବେ । ଏଥିପାଇଁ ପ୍ରତ୍ୟେକ ପ୍ରଗଣାର ଆଂଚଳିକ କମିଟିର କର୍ମକର୍ତା ମାନଙ୍କ ଠାରୁ ନୈତିକ ଓ ଆର୍ଥିକ ସମର୍ଥନ ପାଇଲୁ । ୧୯୮୮ରେ ଜାନୁୟାରୀରେ ୰ଭ୍ରମରବର ଦାସ ସଭାପତି କଟକ ଦୋଳମୁଣ୍ଡାଇ,ବିଶ୍ୱନାଥ ଭୋଇ-ଉପସଭାପତି, କୈଳାସ ଭୋଇ ,ଉଲ୍ଲାର ଓ ଦିବାକର ରାଉତ ସା.ସଂପାଦକ-ନଂ-୧, ୰ମୁରଲୀଧର ଭୋଇ ସା.ସଂପାଦକ୨ନଂ, ଦାମୋଦର ଭୋଇ କ୍ୟାସିୟର ସଇଁନ୍ଧା, ଉପଦେଷ୍ଟା ୰ବଂକିମ ଦାସ କଟକ ଓ ଶ୍ରୀ ଅମର ଦାସ କୁନେଇ ପଡା ଏତତ୍ ବ୍ୟତିତ ଶ୍ରୀ ଅରକ୍ଷିତ ଭୋଇ,ସିଦ୍ଧେଶ୍ୱରପୁର ସମସ୍ତ ଦାୟିତ୍ୱରେ ଥିଲେ । ପ୍ରତ୍ୟେକ ଆଖପାଖ ଗ୍ରାମମାନଙ୍କରେ ବୈଠକ କରାଯାଇ ସେମାନେ ନୈତିକ ସମର୍ଥନ ସହିତ ସହଯୋଗ କରିବେ । ଏଥିପାଇଁ ଶତପଥୀ ବଂଶଧରଙ୍କ ସହ ଯୋଗାଯୋଗ କରାଗଲା । ସେମାନେ ଦୋଳ ପୂର୍ଣ୍ଣିମାକୁ ସମସ୍ତ ଅଂଶୀଦାରମାନେ ଏକତ୍ର ହେବେ ବୋଲି ପ୍ରତିଶ୍ରୃତି ଦେଲେ ,କିନ୍ତୁ ଆସିଲେ ନାହିଁ ।
 |
| ମହାନ୍ ସନ୍ଥଙ୍କ ସାଧନାପୀଠ |
ଏହାର ନେତୃତ୍ୱ ୰ଭ୍ରମରବର ଦାସ, ୰ବଂକିମ ଚନ୍ଦ୍ର ଦାସ କଟକ ଓ ଦିବାକର ରାଉତ ନେଇଥିଲେ । ପ୍ରାକ୍ଟିକାଲ ରୋଲ ଦିବାକର ରାଉତଙ୍କୁ ଦିଆଗଲା, ଚାଷ ହୋଇପାରିବ ନାହିଁ, ବେତ ଜଙ୍ଗଲ ନିଲାମ ହୋଇ ପାରିବ ନାହିଁ ଓ ନଡିଆ ଗଛରୁ ଖଣ୍ଡେ ବାହୁଙ୍ଗା ହଣା ହୋଇ ପାରିବ ନାହିଁ । ଏପରି ଏଠାରେ ଆମ୍ବ ଓ ପଣଷ ନେଇ ପାରିବେ ନାହି, ଯେ ପର୍ଯ୍ୟନ୍ତ ଶତପଥୀ ବଂଶଧରମାନେ ଏ ସବୁ ଜମିର ପୁଙ୍ଖାନୁ ପୁଙ୍ଖଭାବେ ଆମ୍ଭମାନଙ୍କୁ ସମ୍ୟକ୍ ଧାରଣା ନ ଦେଇଛନ୍ତି । ସେଥିପାଇଁ ୫/୭ଜଣ ବ୍ୟକ୍ତିଙ୍କୁ ମୁତୟନ କରାଗଲା । ୧୯୯୨-୧୯୯୪ ମସିହା ପର୍ଯ୍ୟନ୍ତ ଏମାନଙ୍କର ସମସ୍ତ ଖର୍ଚ୍ଚ ୰ଭ୍ରମରବାର ଦାସ ଓ ଶ୍ରୀ ଅରକ୍ଷିତ ଭୋଇ ବହନ କରୁଥିଲେ । ଏହି ସମୟ ମଧ୍ୟରେ ବିଭିନ୍ନ ପ୍ରକାର ମିଥ୍ୟା ମକୋଦ୍ଦମା ଓ କଟକ ସଦର ଥାନା ଅଧିକାରୀଙ୍କୁ ଚାପ କରାଇ ଅଚାନକଭାବେ ଗାଡିରେ ନେଇ ଥାନାରେ ଅଟକ ରଖିଲେ, କେତେକଙ୍କୁ କୋର୍ଟ ‘ରୱାର୍ଡ କଲେ ।ଆମ୍ଭେ ଜାମିନିରେ ଆଣିଲୁ ଏ ସମସ୍ତ କେସ୍ ମୋତେ ବୁଝିବାକୁ ପଡୁଥିଲା ।
ଏଥିରେ ସେମାନେ ଅନୁଭବ କଲେ କି ଏହାର କିଛି ଗୋଟେ ସମାଧାନ କରିବା ଆଶାରେ ଶ୍ରୀ ଯଂଗେଶ୍ୱର ଶତପଥୀ ମୋ ସହିତ ଘରେ କଥା ହୋଇ ସାରିବା ପରେ ୰ଭ୍ରମର ଦାସଙ୍କ ନିକଟକୁ ଗଲୁ । ତାଙ୍କ ଘରେ କଥାହେଲା କି ସମସ୍ତ ଅବରୋଧ ହଟିବ ଓ ଅଂଚଳର ବିଶିଷ୍ଟ ଭଦ୍ରବ୍ୟକ୍ତିମାନଙ୍କଉପସ୍ଥିତିରେ ଏହାର ଏକ ସବୁଦିନ ପାଇଁ ଆଲୋଚନା କରାଯାଇ ନିଷ୍ପତି ହେବ । ଏହାପୂର୍ବରୁ ସମସ୍ତ ପ୍ରକାର କେସ୍ ଉଠା ଯିବ, ତାହା ହିଁ ହେଲା । ଏତଦ୍ ବ୍ୟତୀତ ତତ୍କାଳୀନ ବାରଙ୍ଗ ବ୍ଲକର ଚେୟାରମ୍ୟାନଙ୍କ ଉପସ୍ଥିତିରେ କିଛି ଧାନ ଓ ନଡା ଦେବାପାଇଁ ନିଷ୍ପତି ହେଲା । ଏହା ବି କାର୍ଯ୍ୟକାରୀ ହୋଇଗଲା ।
 |
| ତୁହି ଏକା ସାହା ମୋହର ଜଗତନାଥ |
କଟକ ସଦର ଥାନାଧିକାରୀଙ୍କ ନିର୍ଦ୍ଦେଶ କ୍ରମେ ୧୯୯୪ ଜୁନ୍ ମାସରେ କୁଶକଂଟା ବଟ ସ୍ଥଳଠାରେ ଉଭୟ ପକ୍ଷଙ୍କ ଆହ୍ୱାନକ୍ରମେ ସ୍ଥାନୀୟ ସରପଂଚଙ୍କ ସମେତ ଏ ଅଂଚଳର ସମସ୍ତ ସରପଂଚ, ବ୍ଲକ ଚେୟାରମ୍ୟାନ ଶ୍ରୀ ଦିଗମ୍ବର ମହାପାତ୍ର, ଏମ୍.ଏଲ୍.ଏ. ଶ୍ରୀ ରାଜେନ୍ଦ୍ର ପ୍ରସାଦ ସିଂହ, ବିଶିଷ୍ଟ ଭଦ୍ରବ୍ୟକ୍ତି ଜିଗିନିପୁରର ଶ୍ରୀ ହାଡିବନ୍ଧୁ ଜେନା, ମହିଧରପଡା ଶ୍ରୀ ଶରତ ଚନ୍ଦ୍ର ଦାଶ, ସନ୍ତୋଳ -୰ମହେନ୍ଦ୍ର ଦାସ, ଗବବସ୍ତର ସିଦ୍ଧିକ୍ ଅଲ୍ଲୀ, ବ୍ରାହ୍ମଣ ଝରିଲୋ ସନାଉଲ୍ଲା ଖାଁ, ଅରଡିଆପଦାର ଶ୍ରୀ କିଶୋର ମହାପାତ୍ର ପ୍ରମୁଖ ବହୁ ନିମନ୍ତ୍ରିତ ଓ ଅନିମନ୍ତ୍ରିତ ବ୍ୟକ୍ତିମାନେ ଉପସ୍ଥିତ ଥାଇ ଆଲୋଚନା ହୋଇଥିଲା । ପ୍ରଥମ ପକ୍ଷ ହିସାବରେ ସର୍ବ ଶ୍ରୀ ଧଡେଶ୍ୱର ଶତପଥୀ, ରାମଚନ୍ଦ୍ର ଶତପଥୀ, ଲିଙ୍ଗରାଜ ଶତପଥୀ, ଯଜେ୍ଞଶ୍ୱର ଶତପଥୀ ଓ ଶ୍ରୀ ବିଘ୍ନେଶ୍ୱର ଶତପଥୀ ଥିଲେ । ଦ୍ୱିତୀୟ ପକ୍ଷ ହିସାବରେ ସର୍ବଶ୍ରୀ ୰ଭ୍ରମରବର ଦାସ, ୰ବଂକିମ ଚନ୍ଦ୍ର ଦାସ, ଦିବାକର ରାଉତ, ୰ମୁରଲୀଧର ଭୋଇ ଓ ୰ଶଙ୍କର୍ଷଣ ଭୋଇ ମୁଖ୍ୟ ଭାବେ ଓ ଅନେକ ଭୋଇକୂଳର ସଭ୍ୟମାନଙ୍କର ଉପସ୍ଥିତରେ ଆଲୋଚନା ହୋଇଥିଲା । ସଭାପତି ହିସାବରେ ସ୍ଥାନୀୟ ବିଧାୟକ ଶ୍ରୀ ରାଜେନ୍ଦ୍ର ପ୍ରସାଦ ସିଂହ ପରିଚାଳନା କରିଥିଲେ । ବହୁ ଆଲୋଚନା ପରେ ଯେତେବେଳେ ସଭା ପକ୍ଷରୁ ମଠ କିମିଟି ପଚାରିଲେ,ଯେ ତୁମ ପାଖରେ କ’ଣ ଜମି ରେକର୍ଡ ଅଛି? ଦାଖଲ କର । ଯେଉଁ ବ୍ୟକ୍ତି ତାଙ୍କ ପାଖରେ ସମସ୍ତ ଜମି ରେକର୍ଡ ଅଛି ବୋଲି କହି ବୁଲୁଥିଲେ,ଶେଷରେ ଆମ୍ଭଙ୍କୁ ବୋକା ବନେଇ (ମୁରଲୀ ଭୋଇ) ଦେଲେ ଓ କହିଲେ ତାଙ୍କ ପାଖରେ କିଛି ନାହିଁ । ସେ ସ୍ଥଳରେ ୰ବଂକିମ ଦାସ ଭିକ୍ଷାମାଗିବା ଛଳରେ ଉପସ୍ଥିତ ସମସ୍ତ ଭଦ୍ରବ୍ୟକ୍ତିମାନଙ୍କୁ କହିଲେ ଆମ୍ଭଙ୍କୁ ମଠର ସୁନ୍ଦର ହେବା ଭଳି ଜମି ଦିଆଯାଉ । ଏ କଥାକୁ ବିଚାର କରି ସଭାପତିଙ୍କ ସମେତ ଅନ୍ୟାନ୍ୟ ଭଦ୍ରବ୍ୟକ୍ତି ସଭାସ୍ଥଳରୁ ଆସି ସର ଜମିନି ତଦାରଖ କରି ନିମ୍ନମତେ ଫଏସଲା କଲେ ଗାଦିପୀଠକୁ ଲାଗି ଦକ୍ଷିଣ ପାଶ୍ୱର୍ରେ ଥିବା ଜଳାଶୟ ସିଧା ରାସ୍ତା ପର୍ଯ୍ୟନ୍ତ,ଗାଦିପୀଠର ଆଗପଛ ସମସ୍ତ ଜମିକୁ ଶତପଥୀ ବଂଶଧରମାନେ ବିନା ମୂଲ୍ୟରେ ଗୋସ୍ବାମୀ ବାହୁଡା ଦାସଙ୍କ ନାମରେ ରେଜେଷ୍ଟ୍ରି କରିଦେବେ ଓ ରେଜେଷ୍ଟ୍ରି ଖର୍ଚ୍ଚ କମିଟି ବହନ କରିବେ । ଏହାକୁ ମାପଚୁପ କରାଇ ଶିଘ୍ର ରେଜେଷ୍ଟ୍ରି କରି ଦେବା ପାଇଁ ସଭାପକ୍ଷରୁ ଶତପଥୀ ବଂଶଧରମାନଙ୍କୁ କୁହାଗଲା । ଠିକ୍ ତାର ୭ଦିନ ପରେ ଯେତେବେଳେ ମାପଚୁପ କରିବା ପାଇଁ ସ୍ଥିର ହେଲା ସେତିକି ବେଳେ ଉତର ପଟେ ଥିବା ବଡଭାଇଙ୍କୁ (୰ଧନେଶ୍ୱର ଶତପଥିଙ୍କୁ) ଅନୁରୋଧ କଲୁ କି ଏକ ଫାଳିକିଆ ହେଉଛି । ତେଣୁ ସେ ସେତେବେଳେ କହିଲେ ଟ.୭୫,୦୦୦/- (ପନ୍ଚସ୍ତରୀ ହଜାର ଟଙ୍କା) ନେଲେ ଦେବେ, ଆମେ ସେତେବେଳେ ଟ.୫୦,୦୦୦/- ଦେବୁ ବୋଲି ସ୍ଥିର ହୋଇଥିଲା । ସଂପୃକ୍ତ ମୈାଜାର ନକ୍ସା ନ ମିଳିବାରୁ ମାପଚୁପ ବନ୍ଦ ରହିଲା ।ଯାହା ଫଳରେ ଆମେ ଶ୍ରୀ ରାଜେନ୍ଦ୍ର ପ୍ରସାଦ ସିଂହଙ୍କ ଠାରୁ କିଛି ଆର୍ଥôକ ସହାୟତାରେ ଗୋଟିଏ ଚାଳଘର କରିଥିଲୁ । ସେତେବେଳେ ଶତପଥୀଙ୍କୁ କହିବାରୁ,ସେ ଚାଳଘରର ସମସ୍ତ ବାଂଉଶ ବତା ସେମାନଙ୍କର ଶଗଡ ଦ୍ୱାରା ନେଇ ଶତପଥୀଙ୍କୁ ଦେଇଥିଲେ । ଏଠାରେ ଆମେ ଗୋଟିଏ ବିଦ୍ୟାଳୟ ଖୋଲିଥିଲୁ । ସେଥିରେ ଶିକ୍ଷକଭାବେ ଚଳିତ କମିଟିର କୋଷାଧ୍ୟକ୍ଷ ଶ୍ରୀ ବାବୁଲି ଭୋଇ କିଛି ଦିନ ପାଇଁ ଶିକ୍ଷା ଦେଉଥିଲେ । ଶ୍ରୀ ରାଜେନ୍ଦ୍ର ପ୍ରସାଦ ସିଂହଙ୍କ ଦ୍ୱାରା ବୈଷ୍ଣବ ବାରଭାଇଙ୍କୁ ଭବ୍ୟ ସମ୍ବର୍ଦ୍ଧନା ଦିଆଯାଇ ଥିଲା ।
 |
| ସପ୍ତସତୀ ମନ୍ଦିର,ଭୁବନେଶ୍ୱର ଠାରେ ଥିବା ସ୍ବାମିଜୀଙ୍କ ଅବୟବ |
ଯେତେବେଳେ ସଭାପତି ହାର୍ଟ ଆଟାକରେ ଦେହତ୍ୟାଗ କଲେ,୧୯୯୯ରେ ଶ୍ରୀ ଅରକ୍ଷିତ ଭୋଇ କମିଟି ସଭ୍ୟ ଓ ମହନ୍ତମାନଙ୍କ ଗହଣରେ ସଭାପତି ପଦରେ ଅଭିସିକ୍ତ ହେଲେ । ୨୦୦୦ମସିହାରେ ତାଙ୍କୁ ଅପସାରଣ କରି ନୂତନ ଆବାହକ କମିଟି ଗଠନ କରାଗଲା । ପ୍ରତ୍ୟେକ ବା ପରୋକ୍ଷଭାବେ ଜଗତସିଂହ ବିଧାୟକଙ୍କ ପ୍ରେରଣାରେ ପରିବର୍ତନ ହେଲା। ସେତେବେଳକୁ କମିଟିର ବଳକା ରାଶି ଟ. ୧୦,୦୧୫(ଦଶହଜାର ପନ୍ଦର ଟଙ୍କା) ମୋ ପାଖରେ ଥିଲା ଓ ସମସ୍ତ ମହନ୍ତ ଓ ବରିଷ୍ଠ ସଭ୍ୟମାନଙ୍କ ସହମତି କ୍ରମେ ମୋ ପାଖରେ ରହିଲା । କଥା ସ୍ଥିର କରାଗଲା କି ଯେତେବେଳେ ଜମି ରେଜେଷ୍ଟ୍ରୀ କରାଯିବ ସେତେବେଳେ ଦେବି । କିନ୍ତୁ ପୂର୍ବ କମିଟିରେ ଟ.୩୦୦୦/- ଖର୍ଚ୍ଚ କରିଛନ୍ତି, ବାକୀ ଟ. ୭୦୦୦/- ଟଙ୍କାରୁ ବର୍ତମାନ କମିଟିକୁ (ଗିରିଶଚନ୍ଦ୍ର ନାୟକଙ୍କୁ) ଷ୍ଟେଟ ବ୍ୟାଙ୍କ ଅଫ୍ ଇଂଡିଆ ଫୁଲ୍ ନଖରାରେ ଖାତା ଖୋଲିବାପାଇଁ ଟ୨୦୦୦/-( ଦୁଇ ହଜାର ଟଙ୍କା ) ଦେଇଛି । ଅବଶିଷ୍ଟଟ. ୫୦୦୦/- ଜମି ରେଜେଷ୍ଟ୍ରି ବେଳେ ଦେବି ବୋଲି ପ୍ରତିଶ୍ରୃତି ଦେଇଛି ।୨୦୦୦ ମସିହାରେ କମିଟି ପରିବର୍ତନ ହେବାବେଳେ ସେମାନଙ୍କୁ କହିଥିଲି ଯେ,କି ଭଳିଭାବେ ଜମି ରେଜେଷ୍ଟ୍ରି ହେବ କରିବେ ଏବଂ ସଦର ଏମ୍.ପି. ଦେଇଥିବା ପ୍ରତିଶ୍ରୃତି ଅନୁସାରେ ସମାଧି ପୀଠକୁ ଲଗାଇ କିପରି ମୁଖଶାଳା ନିର୍ମାଣ ହେବ ତାହାକୁ କାର୍ଯ୍ୟକାରୀ କରିବେ । ମୁଖଶାଳା ହୋଇଛି କିନ୍ତୁ ଜମି ରେଜିଷ୍ଟ୍ରି କରିପାରି ନାହାଁନ୍ତି ।
ଉକ୍ତ ଜମିଜମା ବିଷୟ କମିଟିର କର୍ମକର୍ତା ମାନଙ୍କ ସମେତ ବିଧାୟକ ମହାଶୟଙ୍କୁ ମଧ୍ୟ ବହୁବାର କହିବା ପରେ ବିଧାୟକଙ୍କ ଉପସ୍ଥିତିରେ ୨୦୧୩ ମସିହାରେ ଶତପଥୀ ଅଂଶୀଦାରମାନଙ୍କୁ ଡକାଇ ସମସ୍ତ କର୍ମକର୍ତା ମାନଙ୍କ ଉପସ୍ଥିତିରେ ଶତପଥୀଙ୍କର ୫ରୁ ୩ ଜଣ ଉପସ୍ଥିତ ହୋଇ ବୈଠକରେ ପ୍ରକାଶ କରିଛନ୍ତି କି ଅଳ୍ପ ଦିନ ମଧ୍ୟରେ ସମସ୍ତ ଅଂଶୀଦାରମାନେ ଏକତ୍ରିତ ହୋଇ ରେଜିଷ୍ଟ୍ରି କରିଦେବୁ ବୋଲି ପ୍ରତିଶ୍ରୃତି ଦେବା ସହ ସଭବହିରେ ମଧ୍ୟ ସ୍ବାକ୍ଷର କରିଛନ୍ତି । ସେହି ସଭାବହିର ନକଲ ବିଷୟରେ ବର୍ତମାନର ସଭାପତି ଶ୍ରି ଗିରିଶ ଚନ୍ଦ୍ର ନାୟକ ଓ ମୁଁ ଉଭୟ ପୂର୍ବର ସଂପାଦକ ଓ ସଭାପତିଙ୍କୁ ଦେବାକୁ କହିବାରୁ,ଯେଉଁଦିନ କେଶବ ଦାସ ଦୁର୍ଘଟଣାରେ ପ୍ରାଣ ହରାଇଲେ ସେମାନେ ଦେବାକୁ ଅମଙ୍ଗ ହେଲେ । ଏ ହେଉଛି ଆମ ଜାତିର ସହଯୋଗ ମନବୃତି ।୧୯୮୨-୨୦୦୦ ମସିହା ପର୍ଯ୍ୟନ୍ତ ପ୍ରଗଣା ମାନଙ୍କର ଯେଉଁଭଳି ମାନ ସମ୍ମାନ ଥିଲା ଓ ଭାଇ ବେହେରାମାନେ ଯେଉଁଭଳି ସୁବ୍ୟବହାର ପାଉଥିଲେ ସେସବୁ ୨୦୦୦-୨୦୧୩ ପର୍ଯ୍ୟନ୍ତ ଆଉ ନାହିଁକି ଚିଠି ଖଣ୍ଡେ ମଧ୍ୟ ଦିଆ ଯାଉନାହିଁ ବୋଲି ବହୁ ଅଭିଯୋଗ ଶୁଣିବାକୁ ମିଳୁଥିଲା । ଏପରିକି କି ମୁଁ ଜଣେ ବରିଷ୍ଠ କର୍ମୀ ହିସାବରେ ମୋତେ ଖଣ୍ଡେ ଚିଠି କିମ୍ବା କୈାଣସି ସୂଚନା ଦିଆଯାଉନାହିଁ । କେବଳ ନିର୍ଦ୍ଧିଷ୍ଟ ରାଜନୈତିକ ଅନୁଷ୍ଠାନ ଭାବି ବହୁ ମନ୍ତ୍ରୀ, ଏମ.ଏଲ.ଏ, ଅନ୍ୟ ଜାତିର ଲୋକଙ୍କ ସହିତ ମିଶି ଓ ବିଭିନ୍ନ ମେଲୋଡି ପାର୍ଟିଙ୍କୁ ନିମନ୍ତ୍ରଣ କରି ମଉଜ କରିଛନ୍ତି ।
ସନ୍ଥ, ମହନ୍ତ, ବିଭିନ୍ନ ପଦାଧିକାରୀ ଓ ଭାଇବେହେରାମାନଙ୍କୁ ପଛରେ ପକାଇ ଆଗେଇଛନ୍ତି, ଏଥିରେ କୈାଣସି ସନ୍ଦେହ ନାହିଁ । ଏ ସବୁ ଘଟଣା ଗୁଡିକ ଦେଖି ଲଜ୍ଜ୍ୟା ଲାଗେ । ସର୍ବୋପରି ମୁଁ ଗୋସ୍ବାମୀ ବାହୁଡା ଦାସଙ୍କ ନିକଟରେ ପ୍ରାର୍ଥନା କରୁଛି କି ଶ୍ରୀ ଗିରିଶ ଚନ୍ଦ୍ର ନାୟକ, ସଭାପତି ଓ ଶ୍ରୀ ଅତୁଲ୍ୟ କୁମାର ନାୟକଙ୍କ ନେତୃତ୍ୱରେ ଯେଉଁ କମିଟି ଗଠନ ହୋଇଛି, ସମସ୍ତ ପ୍ରକାର କଟୁ ମନ୍ତବ୍ୟକୁ ଭୃକ୍ଷେପ ନ କରି ଏ ଜାତିର ପ୍ରଗତି ପଥରେ ଆଗେଇବେ ଓ ସର୍ବୋପରି ଗୁରୁଜନମାନଙ୍କ ମାନ ସମ୍ମାନ ଭାଇବେହେରାଙ୍କର ଉପଯୁକ୍ତ ସମ୍ମାନ ଓ ଅନୁଷ୍ଠାନର ବାକି ରହିଥିବା (ଜମି ରେଜିଷ୍ଟ୍ରି) ଅଧୁରା କାର୍ଯ୍ୟ ସପୂର୍ଣ୍ଣ କରିବେ ଏହି ଆଶା, ବିଶ୍ୱାସ ରଖି ମୋର ଅଭିଜ୍ଞତା କିଛି ଅଂଶ ପ୍ରକାଶ କରି ରହିଲି । ଜୟ ଜଗନ୍ନାଥ ।
ଫୁଲ ନଖରା , କଟକ
No comments:
Post a Comment